ليه في ناس بتكره عمرو خالد

هتجنن واعرف ليه الناس بتكره عمرو خالد مع انه شخصيا كويسه ومحترمه جدا ومحبوبه بس مش عارف ليه في ناس حقوده كده بتكرهه من غير سبب وبتتصيدله الاخطاء مع ان الراجل قال ميت مره انا مش مفتي ولا بقول وحلال ولا حرام وكمان كل مواضيعه الي بيتكلم فيها حلوه وجميله وكفايه الشباب الي ربنا هداهم على ايده حتى لو غل ط مهو لازم يغلط اصله بشر يعني مش ملاك بحس واله ان الناس بتتعمد تهاجم عمرو خالد وتلاقي ناس ما سمعتلوش اي حاجه وتقولك لا انا ما بحبوش ده انا في مره واحد بيقولي انا بكره عمرو خالد ده قوي قلتله ليه قالي عشان الناس كلها بتحبه يا جماعه والي بيكرهه بس يجرب ويسمعله اي حاجه زي على خطى الحبيب او الجنه في بيوتنا اوونلقى الاحبه ويسمعله اي شريط من شرايطه ويسمعه بنيه انه يستفاد مش عشان عمرو خالد او غيره وسلامووووووو عليكووووووووو

فعلا يا أدم كلامك صح

فى ناس كتييير أووى مش بتحب عمرو خالد وبتهاجمه

وفى واحد صاحبى سمعلى شريط لشيخ بلاش أذكر اسمه كل الشريط كان بيهاجم عمرو خالد

فانا قولت مش كان من باب أولى يتكلم عن الصلاه ولا الصيام على الأقل نستفاد

بس هوا فعلا عمرو خالد ليه أخطاء بس زى منتا قولت الكل بيغلط

فياريت فعلا الناس نبص على المميزات قبل العيوب

وأنا عن نفسى بحب اسمع لعمرو خالد أووى

شكرا يا أدم على طرح الموضوع

واظاهر انى دايما بطول فى ردى على مواضيعك

أنا عارف الشيخ ده يا برنس ويا عم طول براحتك وغير انه بدل ما كان يشتم اتلكم عن الصلاه او الصوم كان خد باله ان ده راجل عالم وشيخ وقدوه وليه مكانه تخيل انا بقى يلي شخص عادي لما اشوفه بيشتم في واحد ساعتين كاملين احترم انا الشيخ ده بعد كد ازاي او اتقبل عليمه ازاي وشكرا لمرورك

انا اقولك ليه يا سيدي الناس بتهاجم عمرو خالد
اولا الناس اللي بتهاجم عمرو خالد مش بتكره لكن بتكره الحاجات اللي مش تمام اللي بيقولها
و طبعا هم بيعملو كدة علشان الدين
انا مش هعرف اوضح لكن انا هجبلك شوية امثله
و قول انت رايك
بس قبل ما اوريك الامثله المواضيع اللي بيتكلم فيه عمرو خالد و الناس بترد عليه او بتهاجم ليها اصول في الدين يعني قول من كتاب الله او من الرسول او حد من الصحابة
ده فيديو بيتكلم عن الختان
انا مش عارف انت تعرف الختان من الدين او لاء
و كمان معرفش ان الموضوع يهمك او لاء
هنا الشيخ محمد حسان
https://www.youtube.com/watch?v=F0jMDbJD2sk&NR=1
و ده كمان فيديو بيرد فيه الشيخ وجدي غنيم
https://www.youtube.com/watch?v=rF38rrQeruE&feature=related
و ده فيديو للشيخ ابو اسحاق الحويني
https://www.youtube.com/watch?v=GkakThjUZKo&feature=related
و ده كمان عن عمرو خالد
https://www.youtube.com/watch?v=X5LNWQwlOuI&feature=related
و هنا عمرو خالد بيتكلم عن سيدنا موسي بيقول عن سيدنا موسي ولد
https://www.youtube.com/watch?v=dvY4-juqS-k&feature=related
و ده فيديو ل عمرو خالد تاني عن مصافحة النساء و اليهود
https://www.youtube.com/watch?v=N7--dS0Fguc&feature=related
و هنا عمرو خالد بيتكلم عن الرسول
https://www.youtube.com/watch?v=lvJghgkYIB0&feature=related
و ده فيديو عمرو خالد بيقول فيه ابليس مكفرش
https://www.youtube.com/watch?v=hKlBvoOlLNs&feature=related
و ده فيديو تاني عن عمرو خالد بيتكلم عن الكفر
https://www.youtube.com/watch?v=tFQ3dB1gefA
و ده فيديو عن عمرو خالد بيتكلمو فيه علماء السعوديه
https://www.youtube.com/watch?v=JAy5sJYUmSQ
و في فيديوهات كتيرة بس كفايه دول
و في الاخر
انا ولا بحبو ولا بكرهو
هو بالنسبه لي مجرد انسان بس مبحبش اسمعلو

بص يا ريس شوف ردي بعد ماسمعت كلامك واشكرك علي ردك

لكن هقولك اولا عمرو خالد راجل اثري الدعوه الاسلاميه شئنا ام ابينا

الدعوه رساله نبيله والرسول صلي الله عليه وسلم قال فالحديث الشريف

لئن يهدي الله بك رجلا مؤمنا خير لك من حمر النعم وخير لك مماطلعت عليه الشمس وخير لك من الدنيا ومافيها والراجل علي ايديه اهتدي شباب ليس لهم حصر ولا عدد

الراجل نجح والنجاح دايما له اعداء وانا بعترف ان الراجل له اخطاء زيه زي اي داعيه بيدعو الي الله لكن المهم هل الاخطاء دي مقصوده وحتي لو كانت فالعقيده والكلام للشيخ محمد حسان رجل المدرسه السلفيه كلنا ممكن نغلط وليه نمسك الاخطاء يعني الراجل مابيقولش حاجات كويسه

طبعا ده كلام ينافي المنطق والعقل والدين وياسيدي كل الناس يؤخذ منه ويرد الا المعصوم سيدنا محمد

نيجي لكلامك اولا انتا مقطع مقاطع من كلام عمرو خالد ومش مكملها وكمان مقطع كلام المشايخ وانا اعرف كويس ان الاستاذ وجدي غنيم صحح للاستاذ عمرو خالد بعض الاخطاء لكت باسلوب مهذب ومحترم يليق بداعيه كبير زي عمرو خالد

وكمان الشيخ محمد حسان بعد ماانتقده قال عنه كلام ناس كبيره ومدحه ودعا عاللي خرجه من مصر ومعاه الشيخ الحويني والشيخ يعقوب

وشوف ياسيدي انا مالاخر شايف ان الهجوم علي شخص عمرو خالد مخطط يتماشي مع مخطط اليهود والنصاري لتدمير الرموز الاسلاميه وكمان بتتماشي الحمله دي مع حمله امن الدوله لمهاجمه شخص عمرو خالد وتدمير كل خير صنعه الراجل المجاهد

انا ليا صديق سلفي اخبرني انه احتجز في امن الدوله وطلبوا منه علشان يفرجوا عنه بشرط انه ينزل شرايط للرد علي اخطاء عمرو خالد اظن مفيش كده دليل علي المؤامره

وللاسف فيه ناس ساذجه او بمعني مهذب ناس مدروشه وطيبه بتمشي ورا الزاعق والناعق والهدف هو تدمير الدعوه الاسلاميه

انا راجل بحب الاخوان القرضاوي وعمرو خالد وبحب الشيخ محمد حسان وبسمع للشيخ الحويني ومحمد يعقوب هدفنا نجمع ولا نفرق لكن كده احنا بنحطم نفسنا من غير مانحس

والكلام هنا مبتور ومتفصل علي عمرو خالد وده في العرف والدين ماينفعش عاوز نتكلم جزئيه جزئيه انا معاك ويسعنا ماوسع سلف هذه الامه في امور يااخي الحبيب ونصوص تسمي النصوص الظنيه وهناك نصوص ثبوتيه لازم نتفق علي المختلف فيه لا يجوز لي ان اختلف معك فيه ولا يجوز لك ان تنكره عليا انا شايف ان الخمار هو الفرض انتا شايف النقاب لاانا انكر عليك ولا انتا تنكر عليا وهكذا

كلنا خطاءون يااخي عمرو خالد ويعقوب والحويني ومعاهم الشيخ العلامه ابن باز الله يرحمه

وابن باز والقرضاوي علماء الامه اختلفوا في موضوع الصلح مع اليهود علي صفحات جريده المسلمون وفالاخر تراجع الشيخ ابن باز عن كلامه ونزل علي رأيه

لكن اننا نقل ادبنا علي علماؤنا ده شيء غير مقبول

لما واحد نكره يطلع شرايط لعمرو خالد وواحد تاني يطلع كتاب يسميه

الكلب العاوي في يوسف القرضاوي ده اسمه قله ادب وماينفعش نمشي ورا الكلام ده واهيب بيك تكون مع هذه الترهات لا انتا ولا انا من العلماء ولا حتي من الدعاه لكن لو حبيت نتحاور بهدوء في موضع اخر

العالم كله بيعتبر عمرو خالد من اهم الشخصيات الاسلاميه واختارته مجله التايم الامريكيه من افضل 100 شخصيه فالعالم وراح رحله للدنمارك ومعاه كوكبه من العلماء والدعاه استقبل استقبال رائع وعرض وجهه نظرنا عرض جيد وكان معاه الدكتوره عبله الكحلاوي والشيخ طارق السويدان ومعاه مجموعه شباب متدين ومسلم وكانت النتيجه رائعه واسلم اناس كثير وتعرفوا علي الاسلام ولف فالدنمارك

انا جاهز واتمني تربأ بنفسك وبيا وبالمنتدي عن هذه المهاترات ونتفرغ للي بنفهم فيه

واخر كلام ا

واحب اسمع رأيك

بصراحة كلام جميل جدا و عاجبني و ده لو دل بيدل انك عندك خلفية عن الدين و عن العلماء
و زي ما بتقول ان كل الناس يؤخذ منه ويرد الا المعصوم سيدنا محمد
و كمان كل الناس ممكن تغلط محدش معصوم من الغلط
لكن في عندنا في الدين اخطاء بتخرج بره الاسلام
و انا مش بايدي اكفر حد او لاء
لكن لم ربنا يقول ان الشبطان كفر
و الاستاذ عمرو خالد يقول مكفرش
يبقي ايه ده....؟
لو قولنا انه مش معصوم من الغلط يبقي يقول انا غلطت في ده
مش يبني عقيدة عند ناس
يعني زي ما بتقول و هو واضح انه عنده شعبيه كبيرة
يبقي من الحق لو غلط يقول انا غلطت
و كمان اتكلم عن موضوع الختان و قال انه مش من الدين و الختان من الدين
ده ليه؟؟؟؟
و اتكلم عن سيدنا موسي و قال عنه ولد
و ده مش من الادب
و اتكلم عن الرسول و قال تجربه بشرية انسانيه تحمل الفشل
و ده مش من الادب مع الرسول و في علماء قالوا ان ده سب للرسول صلي الله عليه و سلم
و مش معني انك تعرف واحد سلفي و قالك ان امن الدولة قالو اعمل كذا ضد عمر خالد
يبقي باقي العلماء دول ماشيين علشان يهدمو الاسلام
يعني مش معقول لم حد يصحح غلط حد يبقي ماشي مع اليهود
انا مش ضد عمرو خالد لكن ضدد اخطائو

و دي مقالات في طريق الاسلام
http://www.islamway.com/?iw_s=Article&iw_a=view&article_id=2736
http://www.islamway.com/?iw_s=Article&iw_a=view&article_id=2808
هو في كتير
بس اللي انا عايز اوصلو ليك
ان العلماء لو ردو علي عمرو خالد
ده علشان الاخطاء اللي هو فيه مينفعش تطلع من داعي
و مش معني انه داعي ناس كتير و هدي الله علي ايده شباب كتير
يبقي اخطاء عادي الصح صح و الغلط غلط و مش هنرجع و نقول هو راجل ناجح
و دايما الناس الناجحه الناس بتهاجمهم في الدين لم حد ينجح و حد يحب يهجمو علشان حاجه في نفسه
ف بيكون انه يشتغل اكتر يدعو اكتر ده الشي اللي في الحسد حلل و كمان مش العلماء الكبار دول اللي هيهجمو عمرو خالد علشان هو ناجح

دي خطبة ل الشيخ ابو اسحاق
بجد هتجاوب عن اسلئه كتير في بالك
http://www.islamway.com/?iw_s=Lesson&iw_a=view&lesson_id=37205
اسمعها قبل ما ترد عليا

يا عمر انا مش بدافع عن عمرو خالد بس كل الكلام الي بتقوله انه قال الشيطان ما كفرشي والكلام ده كله مقصوص من لقاءات وحورات ليه ابقى هات الحلقه كامله او الحاجه كامله وانته تفهم قصدعه وبعد كده كل واحد بياخد الكلام وبيحوره وكل واحد بيفهم الموضوع من الناحيه الي مش عايز يفهمها اصل عمرو خالد ده مش عبيط ولا مش بيفم عشان يطلع يقول حاجه بتخالف العقيده دي حجات مقصوصه فيها الكلام الي الناس عاوزه تمسكه عليه وببتصيدله الاخطاءاو بياخده الكلام ويقصوه او كده او من نص الحوار عشان يوصلو للي عاوزينه او بياخدو اول الكلام ويفهموه على مزاجهم ويسيبه الباقي وعندي امثله كتير على الفهم غلط او على اخز اول الكلام بس يعني مثلا كلام ربنا محدش يختلف عليه لكن ناس كتير بتفهمه غلط الايه اللي بتقول ياايها الذين امنوا عليكم انفسكم لا يضركم من ضل اذا اهتديتم الصحاب قال ياايها الناس انكم لتقراون هذه الايه وتفومها بغير معناها والايه تعني انه لامسوغ عليكم من ضلال غيركم وانحرافهم وليس معناه ان تتخلوا عن وظيفتكم بالدعوه الي الله وده الشاهد من مثالي وفكر انته كده مع نفسك اصل انا شخص مشهور ومفروض اني داعيه هطلع اخترع وألف واقول كلام ينافي العقيده

هو متكلمش في موضوع الشيطان ده بس
في مواضيع تانية غلط فيها
و كمان هيكون ايه قصدو ب ان الشيطان مكفرش؟؟
و كمان انت سمعت الشريط بتاع الشيخ ابو اسحاق؟؟
لو سمعتو هتعرف لو حد اتكلم عن عمرو خالد اتكلم ليه
مش علشان ناجح و عنده جماهير كتير
لكن علشان الصح صح و الغلط غلط

أنا سمعت شريط ابو اسحاق يا فنان وسمعته برضه وهوه بيقول الناس الي اضلها عمرو خالد في الخمس سنين اليفاتو محتاجين يجعو يتهدو او حاجه زي كده وتاني حاجه قولتلك اسمع حاجه كامله ليه وانته تعرف كان يقصد ايه مش تسمع من واحد قال هوه قال ايه وبيرد عليه وتاني حاجه جرب تسمع عمرو خالد بنيه الاستفاده بس تالت حاجه خش على موقع عمرو خالد وعليه المنتدى بتاعه وقول كل اليانته عاوزه وهيترد عليك وهتفهم وهتعرف كل الي عاوز تعرفه اشطه يا غالي اغلاق الموضوع

عشان كده هيبقى جدل عالفاضي لانك ما جربتشتسمعله انا بسمع كل الناس وبتقبل اراء كل الناس انته بقى الي فيدماغك في دماغك وده رأيك ودي حريه شخصيه عادي وحقك وعمرو خالد مش هيقف يعني على الاشخاص الي بتهاجمه او مش بتحبه هوه عنده رساله وعاوز يأديها ورنا اليعالم بنيه كل واحد ربنا واحده بس مش اي حد تاني

صلوا على النبى يا جدعان

خلاصه الموضوع بقى عمرو خالد بشر ليه مميزات وليه أخطاء كتيييره وممكن زى ما عمر قال انه ليه أخطاء جسيييمه

بس ده مميمنعش انه اهتدى على ايده مئات من الشباب ومش هكون مبالغ لو قولت ملاييين أنا أول ما بدأت أسمع للخطب الدينيه كان عمرو خالد أول واحد كنت بسمعله

يبقى التفكير السليم من وجهه نظرى

أسمع عمرو خالد وأستفاد منه واسمع برده الشيخ محمد حسان واستفاد منه

المهم انك تستفاد فى الأخر

والافضل من اي شئ انك تاخد اجمل ما في كل بستان وساعتها تكون انت الافضل

اقتباس :: أنا سمعت شريط ابو اسحاق يا فنان وسمعته برضه وهوه بيقول الناس الي اضلها عمرو خالد في الخمس سنين اليفاتو محتاجين يجعو يتهدو او حاجه زي كده وتاني حاجه قولتلك اسمع حاجه كامله ليه وانته تعرف كان يقصد ايه مش تسمع من واحد قال هوه قال ايه وبيرد عليه وتاني حاجه جرب تسمع عمرو خالد بنيه الاستفاده بس تالت حاجه خش على موقع عمرو خالد وعليه المنتدى بتاعه وقول كل اليانته عاوزه وهيترد عليك وهتفهم وهتعرف كل الي عاوز تعرفه اشطه يا غالي عشان كده هيبقى جدل عالفاضي لانك ما جربتشتسمعله انا بسمع كل الناس وبتقبل اراء كل الناس انته بقى الي فيدماغك في دماغك وده رأيك ودي حريه شخصيه عادي وحقك وعمرو خالد مش هيقف يعني على الاشخاص الي بتهاجمه او مش بتحبه هوه عنده رساله وعاوز يأديها ورنا اليعالم بنيه كل واحد ربنا واحده بس مش اي حد تاني

بصي يا سيدي
انا سمعت في خطبة للشيخ محمد يعقوب
بيقول
و انا بدي درس الخطبة
بقول للخطباء
لم يقولو كلام يكون بيدي معني واحد ميكونش ليه اكتر من معني
علشان مش كل واحد يفهمو زي ما هو عايز علشان مش هتعرف تجمع نفس الناس اللي في المرة اللي فاتت علشان تقولهم انا اقصد ده مش اللي انت فهمتو
و كمان انا مش بكره عمرو خالد علشان هو معملش فيا حاجه وحشه
لكن انت سالت في ناس بتكره عمرو خالد ليه قولتلك هم مش بيكرهوا عمرو خالد هم بيصنحو
يمكن في ناس مش كويسه بتتكلم عن عمرو خالد بطريقة مش كويسة و ده مش من الدين
لكن الدين لازم يتفهم صح و يتعمل زي ما ربنا و الرسول امر مينفعش تعمل حاجه تانية و تقول ربنا امر بالتخفيف او الدين يسر
و ده مش جدل علي الفاضي اكيد انا و انت هنستفيد من بعض انا جربت اسمع له
بس عادي محبتش اسمعلو كل واحد حر يسمع للي عايزو
و انا مش اللي في دماغي في دماغي
لو اقتنعتني هتنقع ان ده صح و وقتها هبقي انا حر اعمل الصح او الغلط بس هيكون عندي خليفة ان ده صح و اقدر وقتها اعملو
و زي ما انت بتقول ربنا هو اللي يغرف نية كل واحد
و عن كلامك يا محمد
انت بتقول تستفاد من كل واحد
اللي المشايخ تقصدو ان لم واحد بيسمع حاجة غلط بيكون حيطة علي الغلط ده و بعد كدة صعب انك تغيرو و مش هتحس ده غير لم يحصل معاك او تشوفو حصل مع حد تعرفو
يكون عنده عقيدة في حاجه معينة غيط و مش هيعرف هو بنفسه يغير هيكون صعب عليه
و خلاص نقول الموضوع انتهي
ثواني

جزاااااك الله خيراً آدم على طرح السؤال دا

بس عموماً ياجماعة

ربنا ادا لنا عقل نميز بيه وأذن تسمع وعقل نميز بيه

وعمرو خالد فى الاول والاخر كفاية انه بيحمس الشباب لشئ نبيل بس كل واحد له طرقه وأسلوبه

ومش معنى انى هسمع عمرو خالد مش هسمع غيره

الناس كتير الى بتتكلم المهم اننا نسمع ونعقل ثم نفعل بما علمنا وفهمنا

ومنعلقش حجنا على الشماعنة

مش كل الناس تقدر تسمع و تعقل
يبقي المفروض اللي شايف ان في حاجه غلط
يقول ده غلط
علشان ممكن حد تاني ياخد الغلط ده من غير ما يعرف هو صح ولا غلط

كلها وجهات نظر واختلاف الرأى لايفسد للود قضية

وعموماً الى سمع لعمرو خالد سهل يسمع لغيره

لكن الى بيسمع لحسين يعقوب وغيره صعب يسمع لعمرو خالد

بص يا عمر انا ما زالت عند رأي كل الكلام الي انته قولت عن عمرو خالد غلط اشطه

» اسطوانة جامدة في الرد علي عمرو خالد
» القرضاوي وعمرو خالد ضمن أهم الشخصيات تأثيرا في العالم
» هل سمعت شريـــط عمرو دياب الجديد؟
» هل سمعت شريط عمرو دياب الجديد؟؟؟؟؟؟